इलाममा मतदान केन्द्रभित्र एक्जिट पोल गरेको भन्दै प्रहरीले जफत गर्‍यो सामग्री

थाङ्मीचागु डटकम सम्बादाता
२०८१ वैशाख १५
१५ वैशाख, इलाम । इलाम- २ मा जारी उपनिर्वाचनमा मतदान केन्द्रभित्रै एक्जिट पोल गराएको भन्दै प्रहरीले केही सामग्रीहरू बरामद गरेको छ ।

महेन्द्र रत्न बहुमुखी क्याम्पस इलामको मतदान केन्द्रभित्र नै मतदातालाई नमुना मतपत्रमा छाप हाल्न लगाउने समूहको सामग्री प्रहरीले बरामद गरेको प्रहरीले जनाएको छ ।

नमुना पेटिका जफत गरिएको प्रमुख जिल्ला अधिकारी इन्द्रदेव यादवले बताए ।

तर सन्चालकले एक्जिट पोलको विधिबारे स्पष्ट पार्दै यो आम चुनावी प्रचलन नै भएको बताएका छन् । अहिले मतदाताको गोपनीयता कायम गर्दै एक्जिट पोल सर्भे पुनः चलिरहेको छ।