ने.था.स.केन्द्रको सक्रिय भूमिकामा भुम्या थानको स्थापना गर्दै उधौली पर्व मनाउन भव्य तयारी गर्दै,थाङ्मी समुदाय ।।।

थाङमीचागु डट कम संवाददाता
रिपोर्टर पदम थाङ्मी
काठमाडौँ २०८० पुस ९ । भोट बर्मेली परिवारमा पर्ने किराँत समुदायको थामी जाती आफूलाई “थाङ्‍मी” भन्न रुचाउँछन् । आफ्नै भाषा थाङ्‍मी खाम बोल्ने थामी समुदाय दोलखा सिन्धुपाल्चोक र रामेछाप जिल्लामा बिशेष जन घनत्व रहेको पाईन्छ ।

आफ्नो मौलिक रितिरिवाज र स‌ंस्कार रहेको यस समुदायले कुलदेवताको रूपमा भुमे(भुम्या )को पूजा गर्दछन् र जातिय कर्मकाण्ड र संस्कारहरू आफ्नै थामी गुरु आप्पाद्वारा गर्ने गर्दछन् ।

यो समुदाय दोलखाका सुस्पा क्षमावती, सुन्द्रावती, सुनखानी, लापिलाङ, लामिडाँडा, कालिञ्चोक, बाबरे, आलम्पु, बिगु, खोपाचागु, लाकुरी डाँडा लगाएतका ठाउँहरूमा बसोवास गरेको पाईन्छ ।

थामी जातिको आफ्नै मौलिक बाजाहरू अन्तर्गत मेर्कोङ-बाघको हाड बारादेवा पूजाका बेला बजाइने सुरबाजा हो । यसबाहेक पिचालिङ, टाके, थात्रा, ठेङका, बाखाराटाके, डम्फू, मुरली, मुर्चुङगा, बिनायो रहेको पाईन्छ ।

राज्यद्वारा उपेक्षित गरिएको यस जातिले जातीय पहिचानका लागि काठमाडौंमा उधौली र उभौली पर्वको अवसरमा भुम्या थानको स्थापना गरेर उधौली पर्व भब्य रूपमा मनाउने तयारी गरेको छ ।

नेपालको मूलबासीको रूपमा रहेको किरात समुदायहरूको महान पर्व उधौली पर्व मनाउनका लागि काठमाडौंमा थामी समुदायको उल्लेखनीय सहभागिता हुने बुझिएको छ ।

थामी समुदायले सीमित घेराभित्र रहेर मनाउँदै गरेको उधौली पर्व यस पटक राष्ट्रिय स्तरमा आफ्ना जातीय पहिचान सहित बृहत तरिकाले भुम्या पर्व मनाउने तयारी गरेको छ ।

आफ्ना धर्म , संस्कृति र परम्परा जोगाउनका लागि काठमाडौँको गोकर्णेश्वर नगरपालिका वडा नम्बर ९ को किराँत भूमेथान राष्ट्रिय शहिद तथा शान्ति पार्क जगडोल तथा यज्ञडोल सामुदायिक वन गोकर्णेश्वर भित्र थामी समुदायलाई उधौली पर्व मनाउनका लागि विशेष व्यबस्था मिलाईएको छ ।

राष्ट्रिय स्तरमा मनाउन लागिएको भुम्या पर्वको लागि नेपाल थामी समाजको केन्द्रिय अध्यक्ष रण बहादुर थामी , कालिन्चोक गा पा ६ निवासी समाजसेवी राजन थामी , नेपाल थामी समाज केन्द्रिय सदस्य पदम बहादुर थामी , नेपाल थामी समाज केन्द्रिय सह सचिव देब थामी , नेपाल थामी समाज केन्द्रिय सदस्य भक्तसिह थामी नेपाल थामी समाज केन्द्रिय सदस्य यम बहादुर थामी , नेपाल थामी समाज केन्द्रिय सदस्य तिर्थ बहादुर थामी लगाएत व्यक्तित्वहरुको अगुवाईमा समारोहको आयोजना गरिएको छ ।

भुम्या थानको स्थापना , सरसफाई र ब्यबस्थापनका लागी “नेपाल थामी समाज कालिन्चोक ” का सचिव जित बहादुर थामी , सिन्धुपाल्चोक जिल्लाको सचिव रामशुन्दर थामी , समाजसेवीहरु यम थामी , राखी थामी , नि – बर्तवान ने.था.स. केन्द्रिय सदस्य शंखर थामी , भिम थामी , रण बहादुर थामी , पदम थामी , देब थामी ,शुलिला थामी , यम बहादुर थामी लगाएतको उपस्थितमा २०८०/०९/०७ गते भुम्या थानको स्थापन सम्पन्न भएको छ ।