विगु गाउँपालिकाको चौथो राष्ट्रपति रनिङ शिल्डको उपाधी शान्ती आदर्श मावी लादुकले हाता परेको छ ।।।

थाङ्मीचागु डटकम संवाददाता
सोमबार २ पुस २०८०
दोलखा । ‘स्वास्थ्यका लागि खेलकुद राष्ट्रका लागि खेलकुद’ भन्ने मुल नाराका साथ विगु गाउँपालिकामा सञ्चालित चौथो राष्ट्रपति रनिङ शिल्ड प्रतियोगिताको उपाधी शान्ती आदर्श मावी लादुकले जितेको छ ।

प्रतियोगितामा शान्ती आदर्श मावी लादुक पहिलो, गौरीशंकर मावी जगत दोस्रो र हिमालयन मावी खोपाचागु तेस्रो हुन सफल भएका छन् । पहिलो हुने आदर्श मावीले १८ स्वर्ण, २ रजत र ३ कास्य गरी कुल २३ पदक प्राप्त गर्यो । त्यस्तै, दोस्रो हुने गौरीशंकर मावी जगतले ६ स्वर्ण, ६ रजत र ४ कास्य प्राप्त गर्यो भने तेस्रो हुने हिमालयन मावी खोपाचागुले २ स्वर्ण, ४ रजत र २ कास्य पदक प्राप्त गर्यो ।

गाउँपालिका भित्रका ११ वटा माध्यमिक विद्यालयको सहभागीता रहेको प्रतियोगितामा ३० वटा खेल खेलाइएको थियो ।

प्रतियोगिता शुक्रबार देखि सोमबार सम्म सञ्चालन भएको थियो ।

विगु गाउँपालिका अध्यक्ष सन्जिव ओलीको अध्यक्षतामा भएको प्रतियोगितामा विजेता विद्यालयलाई शिल्ड, मेडल र प्रमाणपत्र प्रदान गरिएको थियो ।