अनिवार्य गरिएको भन्सार दस्तुर पुनःविचार होस्ः साँसद कलवार

सुरेश यादव,नवलपरासी/असार ०६ ।

लुम्बिनी प्रदेश सभा सदस्य बैजनाथ कलवारले एक सय रुपैयाभन्दा वढीमूल्य पर्ने मालबस्तुमा अनिवार्य गरेको भन्सार दुस्तुरका विषयमा आफ्नो धानाकर्षण भएको बताउनु भएको छ । सिमाक्षेत्रमा वस्ने नागरिकहरुकालाई भन्सार दस्तुरले समस्या पर्ने वताउँदै केन्द्रमा बसेर नीति निर्माण गर्ने तहले हचुवाको भरमा भन्सार दस्तुर अनिवार्य गर्नु व्यवहारिक नभएको साँसद कलवारले ज्ञापन पत्र मार्फत प्रधानमन्त्री र अर्थमन्त्रीको धानाकर्षण गराउनु भएको हो ।

साँसद कलवारले आम्दानीको मुख्य श्रोत राजश्व संकलन भएको स्वीकार गर्दै सरकारले गरेको निर्णय व्यवहारिक नभएको बताउनु भयो । उहौले भारत र नेपालमा सदियौंदेखिको रोटि—बेटीको सम्बन्ध, सास्कृतिक र धार्मिक सम्बन्धलाई ध्यानमा राखेर भन्सार दस्तुरमा पुनःविचार गर्न आज नवलपरासीका प्रमुख जिल्ला अधिकारी मार्फत ज्ञापन पत्र बुझाउनु भएको हो ।

नेपाल सरकारका अर्थमन्त्री प्रकाश शरण महतले आ.ब. २०८०।०८१ को बजेट भाषणमा एक सय रुपैयाभन्दा वढी मूल्य पर्ने सामानमा अनिवार्य भन्सार दस्तुर लाग्ने घोषणा गर्नु भएसँग सिमानामा कडाई गरिएको छ ।

नेपालमा एक सय रूपैयाँभन्दा बढी मूल्यका कुनै पनि सामान आयात गर्दा अनिवार्य भन्सार महसूल तिर्नुपर्ने कानुनी प्रावधान रहेकोछ तर त्यसलाई व्यावहारिक पक्षभन्दै छुट दिने गरिएको थियो ।