काठमाडौंँ । बैंकिङ कसुर मुद्धामा दोषि ठहर भएका रामेछापका एक पुरुष पक्राउ परेका छन् ।

बैंकिङ कसुरमा मुद्धामा दोषि ठहर भई फरार रहेका रामेछापको सुनपति गाउँपालिकाका ४३ वर्षीय विनोद घिसिङ पक्राउ परेका हुन् । उनलाई नेपाल प्रहरीको केन्द्रीय अनुसन्धान व्युरोले आज काठमाडौंँको जोरपाटीबाट पक्राउ गरेको हो । उनीविरुद्ध परेको बैंकिङ कसुर मुद्धामा उच्च अदालत पाटनले गत पुस २७ गते एक करोड दुई लाख ५० हजार रुपैँया जरिवानासहित २१ दिन कैदको सजाय तोकेको थियो ।

रामेछाप घर भई हाल जोर पाटी बस्दै आएका घिसिङले मेघा बैंक लिमिटेड बौद्ध शाखामा रहेको आफ्नो खातामा नगद मौज्दात नभएको जानी जानी विभिन्न व्यक्तिहरुलाई चेक दिएर झुक्याएका थिए । उनीविरुद्ध तीन जनाले जाहेरी दिएका थिए ।