वाग्मती प्रदेशको अर्थमन्त्री बन्दै एमालेका नेता थपलिया

चैत्र १७, २०८० थाङ्मिचागु डटकम संवाददाता

मकवानपुर —नेकपा एमाले संसदीय दलका नेता जगन्नाथ थपलिया वाग्मती प्रदेशका आर्थिक मामिला तथा योजनामन्त्री बन्ने भएका छन् । प्रदेशका मुख्यमन्त्री शालिकराम जम्कट्टेलले उनलाई शनिबार साँझ शपथ ग्रहण गर्ने व्यवस्था मिलाउन प्रदेश प्रमुखको कार्यालयलाई अनुरोध गर्दैछन् ।

एमाले सांसद एकालाल श्रेष्ठका अनुसार पहिलो चरणमा पार्टीको प्रतिनिधिको रुपमा दलको नेतामात्र सहभागी हुन लागेको बताए । ‘अन्य मन्त्रालयको भागबन्डा र मन्त्रीको विषयमा टुंगो लाग्न बाँकी छ,’ उनले भने ।