सिराहाको परेवा भिरस्थित देवी मन्दिर निर्माण सम्पन्न, भक्तजनको आगमन बढ्दै

थाङमिचागु डटकम संवाददाता

विनोद मण्डल,फाल्गुन २६

सिराहा जिल्लाको धनगढीमाई १३ परेवा भिर स्थित देवी मन्दिर निर्माणको लागि धनगढीमाई १२ निवासी म विनोद मण्डलको फेसबुक पेजबाट अभियान विक्रम सम्वत २०८१ माघ १ गते थालिएको थियो ।

दाताहरुको सहयोग उक्त दिनको बेलुका ७ बजेर ३५ मिनेटको समयमा काठमाण्डौ निवासी झविन्द्र सुवेदी ज्यूले एक मुस्ट दस हजार प्रदान गरेपछि धमाधम अभियान अगाडि बढेको थियो ।

रकम जम्मा हुँदै गएपछि विक्रम सम्वत २०८१ माघ २१ गते विधिपूर्वक नेपाल पत्रकार महासंघ सिराहा शाखाका सचिव शिवदयाल यादव , धनगढीमाई, १३ का वडा अध्यक्ष सुर्यमान तामाङ , वडा सदस्य सन्तोष पूर्वछाने मगर ज्यूको संयुक्त बाहुकमलबाट मन्दिरको शिलान्यास गरिएको थियो ।

पण्डितहरू लक्षमण काफ्ले, लोकनाथ सुवेदी लगायतले मन्त्रोचारण गरी विधिपूर्वक पूजापाठ गरी मन्दिर शिल्यानास कार्यक्रम सम्पन्न गराउनु भएको थियो । उक्त समयमा स्थानिय समाजसेवी विशाल राई , युवराज खत्री ,युवराज तिमल्सिना , पान बहादुर मगर लगायत स्थानियहरुको उपस्थिति रहेको थियो ।

मन्दिर निर्माण अन्तर्गत मिस्त्रीको भूमिकामा जोख बहादुर राई, पूर्ण बहादुर तामाङ, शारदा प्रसाद तिमल्सिना र ईन्द्र बहादुर मगर रहेका थिए ।

विक्रम सम्वत २०८१ माघ ३० गते छत ढलानको कार्य सम्पन्न भएको थियो ।उक्त छठ ढलानको लागि प्लाईको सम्पूर्ण ब्यबस्थापन निःशुल्क स्थानिय डावर निवासी निर्मल ठकुरी ज्यूले मिलाउनु भएको थियो ।

विक्रम सम्वत २०८१ फाल्गुन १६ गते विधिपूर्वक पूजा पाठ गरी पत्रकार विनोद मण्डल र वडा सदस्य सन्तोष मगर ज्यूले छतको सेटिङ खोलेपछि प्लास्टरको कार्य थालिएको थियो ।

विक्रम सम्वत २०८१ फाल्गुन १९ गते औपचारिक रूपमा मन्दिरको प्लास्टर लगायतको सम्पूर्ण कार्य सम्पन्न भएको थियो ।

विक्रम सम्वत २०८१ फाल्गुन २२ गतेदेखि मन्दिरमा प्राईमरको कार्य सम्पन्न भई विक्रम सम्वत २०८१ फाल्गुन २३ गते रातो रङरोगन सम्पन्न गरिएको थियो ।

एतिहासिक ,धार्मिक ,सांस्कृतिक र पर्यटकिय स्थलको रूपमा रहेको यस ठाउँमा मन्दिर निर्माण सम्पन्न भएपछि भक्तजनहरूको आगमन नियमित हुँदै आएको छ । यस ठाउँमा सिता दह, साफा , परेवा भिर लगायतको धार्मिक स्थलहरू रहेको छ ।