त्रिवि क्रिकेट मैदान नजिक एक पुरुष मृत फेला

थाङमिचागु डटकम संवाददाता

कीर्तिपुर नगरपालिका–१० स्थित त्रिभुवन विश्वविद्यालयको क्रिकेट मैदान नजिक आइतबार अन्दाजी ३५ वर्षीय एक पुरुष मृत अवस्थामा फेला परेका छन्। हालसम्म मृतकको नाम, थर, र ठेगाना खुलेको छैन।

प्रहरी वृत्त कीर्तिपुरले घटनाको अनुसन्धान सुरु गरेको जनाएको छ। शवको सनाखतका लागि आवश्यक प्रक्रिया अघि बढाइएको छ।

घटनाको थप विवरण र मृत्युको कारण पत्ता लगाउन अनुसन्धान जारी रहेको जानकारी प्रहरीले दिएको छ।