जनताको सास्ती हटाउँदै वडा अध्यक्ष अमित ठकुरी व्यक्तिगत खर्चमा जसिवि लगाए मडयान सडकमा ।।।

जीतेश मण्डल, भदौ १६ । सिराहा जिल्लाको भौगोलिक रूपमा विकट पहाडी भूभागको रूपमा रहेको धनगढीमाई १४ का समग्र विकाशको रेखा कोर्ने व्यक्तित्व हुन वडा अध्यक्ष अमित ठकुरी ।

“वडाको सिफारिस करिब तीन महिना अघि गरेपनि निकायले सुनुवाई नगरेपछि वडा अध्यक्ष अमित ठकुरीले आफ्नै व्यक्तिगत खर्चमा बाटो मर्मत सम्भार गराउनु भएको छ “।

भौगोलिक रूपमा अतिनै जटिल भूगोल रहेको यस ठाउँको प्रत्येक बस्ती बस्तीमा बाटो पुगाएर इतिहासको रेखा कोर्न सफल व्यक्तित्व अमित ठकुरीले मात्र यस क्षेत्रको विकास सम्भव हुने पक्का भएको छ ।

वाडाको पूर्वी बस्ती मडयान जाने बाटो लगातारको वर्षाले भत्काएपछि सास्ती भोग्दै आएका स्थानियको समस्यालाई वडा अध्यक्ष अमित ठकुरीले हटाएका छन् ।

आम जनताको हितमा रहेर काम गर्दै आएका वडा अध्यक्ष अमित ठकुरीले स्थलगत अवलोकन गर्दै जेसिवि लगाएर बाटो मर्मत गराउनु भएको छ ।

एक मात्र बजार धनगढीसम्म आउनको लागि सवारी साधनको मुख्य बाटोको रूपमा रहेको गडमे मडयान सडकलाई वर्षाले भत्काएपछि आवत जावतमा कठिनाई हुँदै आएको थियो ।

आम मानिसहरू पैदल यात्रामा घण्टौं हिँड्न विवस रहेको अवस्थामा वडा अध्यक्ष अमित ठकुरीले गरेको कामको प्रशंसा चौतर्फी हुँदै मडयान बासीले सामाजिक सञ्जालबाट धन्यबाद दिइरहेका छन् ।