राष्ट्रपति भण्डारीद्वारा आबेको हत्याप्रति खेद प्रकट

राष्ट्रपति विद्यादेवी भण्डारीले जापानका पूर्वप्रधानमन्त्रीको हत्या भएकामा खेद प्रकट गरेकी छन् । राष्ट्रपति भण्डारीले आज ट्वीट गरी स्व.आबेप्रति भावपूर्ण श्रद्धाञ्जलि प्रकट गरेकी हुन् । यस दुःखद् घडीमा उनले मैत्रीपूर्ण जापानी जनता र स्व.आबेको परिवारजनमा समवेदनासमेत प्रकट गरेकी छन् । उनले कुशल राजनेता तथा नेपाल मित्र आवे आफुहरुको सम्झनामा सदैव रहने समेत बताएकी छन् । 

आबेको शुक्रबार चुनावी सभामा भाषण गरिरहेका बेला गोली हानी हत्या भएको थियो । यस दुःखद् घडीमा आज नेपाल सरकारले पनि देशभर शोक मनाउने निर्णय गरेको थियो ।