दोलखा । दोलखाको तामाकोशी गाउँपालिकाले पालिकाको स्थायी केन्द्र निर्माणका लागि ५० रोपनी जग्गादान माग गरेको छ ।

स्थानीय तहमा नयाँ जनप्रतिनिधि आएपछि पहिलो पटक बसेको तामाकोशी गाउँपालिका गाउँकार्यपालिकाको बैठकले पालिकाको स्थायी केन्द्र निर्माणका लागि जग्गादाताबाट जग्गा माग गरेको हो । तामाकोशी गाउँपालिका वडा नम्बर ३ चनौटे देखि वडा नम्बर ४ शहरेको सिमानासम्म तीनसय मिटर तलमाथि ५० रोपनी जग्गा दानमा माग गरिएको गाउँपालिकाले जनाएको छ । २१ दिनको समय तोकेर जग्गादाताबाट जग्गादान माग गरिएको छ ।

सडकको पहुँच पुगेको र सबैलाई पायक पर्ने स्थानको अवस्था हेरेर जग्गादान गर्न इच्छुक स्थानीयसँग जग्गादान गर्न माग गरिएको तामाकोशी गाउँपालिकामा नवनिर्वाचित अध्यक्ष प्रोण प्रताव केसीले जानकारी दिनुभयो । उहाँका अनुसार गाउँपालिकाको केन्द्र निर्माणका लागि दाताहरुले जग्गा दिन इच्छा देखाएपछि पालिकाबाटै निर्णय गरेर जग्गादान माग गरिएको हो । जफेको मानेडाँडा र मालु डाँडागाउँ आसपासमा पालिकाको स्थायी केन्द्र निर्माण गर्नेगरी जग्गा माग गरिएको अध्यक्ष केसीले बताउनुभयो । जग्गादाताबाट जग्गा दान आएमा पालिकाबाट तत्काल बहुमत जुटाएर निर्णय गरि स्थायी केन्द्र निर्माणको काम अघि बढ्नेछ ।

दोलखाको तामाकोशी गाउँपालिकाले पालिकाको स्थायी केन्द्र निर्माणका लागि ५० रोपनी जग्गादान माग गरेको छ । स्थानीय तहमा नयाँ जनप्रतिनिधि आएपछि पहिलो पटक बसेको तामाकोशी गाउँपालिका गाउँकार्यपालिकाको बैठकले पालिकाको स्थायी केन्द्र निर्माणका लागि जग्गादाताबाट जग्गा माग गरेको हो । तामाकोशी गाउँपालिका वडा नम्बर ३ चनौटे देखि वडा नम्बर ४ शहरेको सिमानासम्म तीनसय मिटर तलमाथि ५० रोपनी जग्गा दानमा माग गरिएको गाउँपालिकाले जनाएको छ । २१ दिनको समय तोकेर जग्गादाताबाट जग्गादान माग गरिएको छ ।

यसअघि तामाकोशीमा दुई तिहाई बहुमत पुग्न नसक्दा पालिकाको केन्द्र टुंगो लाग्न सकेको थिएन ।२०७४ सालको निर्वाचनबाट निर्वाचित जनप्रतिनिधिले पालिकाको केन्द्र नै नतोकि आफ्नो पाँच वर्षे कार्यकाल गुजारेर विदाई भएका छन् । जफे जामुनेमा कुनै पनि संरचना नभएका कारण पालिकाको स्थायी केन्द्रका लागि मानेडाँडा जफे, छौंडे, गोल्माकोथान र मानेडाँडा मालु गैरागाउँमा राख्ने गरी चार स्थानको प्रस्ताव आएको थियो । सो प्रस्ताव पालिकाको सभामा एक पटक लगिए पनि कुनै स्थानका लागि पनि बहुमत प्राप्त हुन नसकेपछि तामाकोशी गाउँपालिकाले पनि केन्द्र टुंगो लगाउन सकेकोे थिएन । हाल तामाकोशी गाउँपालिकाको वडा नम्बर ३ जफेको जामुनेबाट सेवा प्रवाह भैरहेको छ ।

अघिल्लो पटक निर्वाचित जनप्रतिनिधि पालिकाको केन्द्र नतोकि विदाई भएको अवस्थामा नवनिर्वाचित जनप्रतिनिधिको पहिलो कार्यपालिकाले बैठकले नै पालिकाको स्थायी केन्द्र निर्माणका लागि पहल थाल्ने निर्णय गरेको हो ।