म्याग्दीका मालिका गाउँपालिका –६ दुखुबेसी बादुरेमा गोरु काटिरेहेको अवस्थामा फेला परेका ५ महिला सहित ९ जना पक्राउ परेका छन ।गयराति करिव १ बजेको समयमा सो स्थानमा गोरु मारि काटिरहेको भन्ने गोप्य सूचनाका आधारमा प्रहरी टोली त्यहाँ पुगको थियो ।

ईलाका प्रहरी कार्यालय दरवाङबाट खटिएको प्रहरी टोलीले उक्त घटनामा संलग्न सोही ठाउँका बर्ष ५२ का राम रोका, बर्ष ५२ का धर्मे रोका, बर्ष ४० का बल प्रसाद रोका, बर्ष २३ का प्रकाश सुनार, बर्ष २७ की स्मृति रोका, बर्ष २४ की याम कुमारी रोका त्यसैगरि वडा नम्वर ५ फेदी बस्ने बर्ष २१ की चिना पाईजा, बर्ष १९ की डम्सरा पुन र बर्ष ४० की विसु विकलाई पक्राउ गरेको हो ।

प्रहरी टोली त्यहाँ पुग्दा उनिहरुले दुईवटा गोरु काटेर छाली काडि खुकुरी र चक्कुले टुक्रा पारिरहेका थिए । गोरु काटिरहेका ५ महिला रु ४ पुरुष गरि ९ जनालाई तत्कालै नियनत्रणमा लिई शुक्रबारनै पशुपंक्षी सम्वन्धी कसुर मुद्दा दर्ता गरिएको प्रहरी निरिक्षक राजन ढकालले जानकारी दिनुभएको छ ।जिल्ला अदालतबाट साट दिनको म्याद थप गरि अनुसन्धान कार्य अगाडि बढाईएको प्रहरी निरिक्षक ढकालले बताउनुभयो ।