वर्ष नबित्दै पोखरीको वाल भत्कियो ।।।

विनोद मण्डल आषाढ़ १६ । मनसुनी वायुसँगै आएको अविरल वर्षाका कारण देशका विभिन्न भागमा भौतिक तथा मानविय क्षति पनि तिब्र रुपमा बढिरहेको वर्तमान घडीमा आलोचित बन्दै गएको स्थानिय सरकारलाई सर्वत्र चुनौती थपिँदै गएको छ ।

सिराहाको बिष्णुपुर गाउँपालिका वडा नं २ राजपुर गाउँमा रहेको एक पोखरीमा लाखौं रुपैयाँ खर्चेर बनाइएको पोखरीको चारै तिर बनाइएको वाल वर्षा सँगै भत्किन थालेको छ ।

स्थानिय गाउँलेको निगरानीमा बनाइएको वाल एक वर्ष नबित्दै भत्किन थालेपछि पोखरीमा स्नान गर्न समस्या हुनुका साथै पोखरीमा सामाजिक कार्य गर्न समेत समस्या हुन् थालेको स्थानियले बताएका छन् ।

कमजोर मानसिकता कमशल सिमेन्ट ,बालुवा , कमजोर निगरानीको कारण पोखरीको वाल भत्किन थालेको आरोप यतिबेला पोखरी उपभोक्ता समितिमाथि लागिरहेको छ ।