थाङ्मीचागु डटकम सम्बादाता १० भदौ २०८१

नेपालमा दूरसञ्चार प्रदायक कम्पनी एनसेलको लाइसेन्स म्याद यही १५ गते समाप्त हुँदैछ। एनसेलले ३ महिनाअघि लाइसेन्स नवीकरणका लागि निवेदन बुझाउँदै ४ अर्ब रुपैयाँ तिरेको छ, तर नियामक नेपाल दूरसञ्चार प्राधिकरणले कुल २० अर्ब रुपैयाँ बुझाउनुपर्ने बताउँदै लाइसेन्स नवीकरणको प्रक्रिया रोक्नुभएको छ।

एनसेलले विगतका अभ्यासअनुसार बाँकी रकम किस्ताबन्दीमा तिर्ने प्रतिबद्धता जनाएको छ, तर प्राधिकरणले यसलाई स्वीकार गर्न अस्वीकार गरेको छ। यसअघि नेपाल टेलिकमले कम रकम बुझाएर लाइसेन्स नवीकरण गर्न पाएकोमा एनसेललाई थप ३ अर्ब रुपैयाँ जरिवाना तिर्नुपर्ने भनिएको छ।

एनसेलले लाइसेन्स नवीकरणमा समान सुविधा दिने माग राखेको छ, तर नियामकले कानुनी आधारमा निर्णय गर्न नसक्ने बताएको छ। यस विषयमा मन्त्रीपरिषद्ले प्राधिकरणलाई किस्ताबन्दीको सुविधा दिन निर्देशन दिन सक्ने प्रावधान छ।