थाङ्मीचागु डटकमसम्बादाता १० भदौ २०८१

पश्चिम नवलपरासीको रामग्राम नगरपालिकामा सशस्त्र प्रहरी बल नेपालले १३० केजी अवैध रक्तचन्दनसहित एक व्यक्तिलाई पक्राउ गरेको छ। आइतबार बिहान २ बजे प्रमोद गिरीको घरमा लुकाइ राखेको रक्तचन्दनसहित उनलाई नियन्त्रणमा लिइएको हो। सशस्त्र प्रहरी बल, नेपाल २६ नम्बर गढ, नवलपरासीबाट खटिएको टोलीले महेशपुर भन्सार कार्यालय र नेपाल प्रहरीको उपस्थितिमा गिरीको घरमा खानतलासी गर्दा ८१ थान चिरान रक्तचन्दन बरामद गरेको थियो।

जानकारहरूका अनुसार, नेपालमा अवैध रुपमा रक्तचन्दनको कारोबार प्रति केजी रु. १५०००/- मा हुने गर्छ, जसअनुसार बरामद गरिएको रक्तचन्दनको अनुमानित मूल्य रु. १९,५००००/- हुन आउँछ। पक्राउ परेका गिरी र बरामद रक्तचन्दनलाई डिभिजन बन कार्यालय, परासीमा बुझाइएको छ।