लोकतान्त्रिक थामी सङ्घ नेपालको प्रथम राष्ट्रिय अधिवेशन तयारी तीव्र, च्यासलमा दोलखाली एमाले नेता–कार्यकर्ताको भेला सम्पन्न।।
2026-11-21बंगलादेशमा आन्दोलन चर्कियो हिंसा र आगजनीका घटनाले जनजीवन प्रभावित
2026-11-20
मुग्लिङ-नारायणगढ सडक: पहराबाट खसेको ढुंगो लागेपछि अनियन्त्रित भएर पल्टियो बस
मुग्लिङ-नारायणगढ सडक: पहराबाट खसेको ढुंगो लागेपछि अनियन्त्रित भएर पल्टियो बस
थाङमिचागु डटकम संवाददाता

चितवन- मुग्लिङ-नारायणगढ सडकखण्डमा गुडिरहेको बसमाथि शुक्रबार दिउँसो ढुंगो खसेको छ ।
पहराबाट खसेको ढुंगो लागेको बस अनियन्त्रित भएर एउटा यात्रु बस सडकमै पल्टिएको छ ।
शुक्रबार दिउँसो पौने २ बजे भरतपुर महानगरपालिका-२९ सत्रकिलोमा उक्त बस पल्टिएको हो ।
रौतहटको गौरबाट पोखरा जाँदै गरेको ग २ ख ४७ नम्बरको बसमाथि ढुंगा खसेपछि सडकमै पल्टिएको जिल्ला प्रहरी कार्यालय चितवनका डीएसपी भेषराज रिजालले बताए ।
करिब २५ जना यात्रु सवार रहेको उक्त बसमा पहराबाट झरेको ढुंगा बजारिएपछि चालक अत्तालिएका थिए, त्यहीकारण बस सडकमा पल्टिएको हो ।
बस सडकमै पल्टिँदा त्यसमा सवार १९ जना यात्रु घाइते छन् । घाइतेको उद्धार गरी भरतपुरका अस्पतालहरूमा लगिएको रिजालले जानकारी दिए ।
घाइतेमध्ये ९ जनाको भरतपुर अस्पताल र १० जनाको पुरानो मेडिकल कलेजमा उपचार भइरहेको छ । घाइतेमध्ये दुई जनाको अवस्था गम्भीर रहेको रिजालले बताएका छन् ।





