वर्षाका कारण सडक अवरुद्ध ।।।

विनोद मण्डल, भदौ ८ । रातिदेखि परेको अविरल वर्षाका कारण सिरहाका अधिकांश भूभाग डुवानको साथै सडक अवरुद्ध भएको छ ।

अविरल बर्षाको कारण आएको बाढी ,भेलले खेतीयोग्य जमिन कटान गर्दै बाटोघाटो लगायत भौतिक संरचनामा क्षति पुर्याएको छ ।

गोलबजारको वाडा न २ को वडा कार्यालय गुरुधाम जोड्ने सडकको होम पाईप बाढीले बगाएको mर वडा कर्यालय नजिकै रहेको पक्की एक घरमा समेत क्षति पुगेको अवस्था रहेको छ ।

त्यस्तै अविरल बर्षाको कारण सिरहाको जिरोमाइल- बारियारपट्टि सडक खण्डको बीच पर्ने सुखिपुर बजारमा सडक भासिएर बाटो अबरुद्ध भएको छ ।

सडक भासिएपछि स्थानीयलाई आवत जावतमा कठिनाई उत्पन्न भएको छ भने उक्त सडक भएर गुड्ने सवारी साधनहरु समेत ठप्प भएको अवस्था रहेको छ ।