प्रहरी द्धारा मठ मन्दिर सरसफाई कार्यक्रम सम्पन्न ।।।।

विनोद मण्डल अशोज २९ । ६७ औं प्रहरी दिवस २०७९को अवसरमा मठ मन्दिर परिसरमा रहेको फोहोर व्यवस्थापन गर्दै सरसफाई कार्यक्रम सम्पन्न गरिएको छ ।

सिरहाको धनगढीमाई नगरपालिका वडा नं १२ स्थित रहेको दूर्गा भवानीको मन्दिरमा अाज विहान करिब ७ बजेको समयमा स्थानिय ईलाका प्रहरी कार्यालय विष्णुपुरकट्टी ठटियाका इन्चार्ज वैधनाथ दासको अगुवाईमा गरिएको सरसफाई कार्यक्रम करिब १० बजेसम्म जारी रहेको थियो ।

सिमलटोकी कुष्माहा दूर्गा मन्दिर परिसरमा विहान सरसफाई कार्यक्रममा वाडा अध्यक्ष जय प्रकाश शर्मा, स्थानिय बुद्धिजीवी विजय महतो, राजनितिककर्मी चौधरी महतो, नेपाल प्रेस मञ्च सिरहाका जिल्ला सदस्य हेम प्रसाद
पासवान नेपाली काँग्रेसका स्थानिय नेता विक्रम हमाल लगायतको सहभागितामा सरसफाई कार्यक्रम गरिएको थियो ।

स्थानिय दूर्गा मन्दिर परिसरमा रहेको फोहोर व्यवस्थापन गर्दै कार्यक्रमलाई अघि बढाइएको थियो । स्थानिय स्तरकाे टोल बस्तीमा रहेकाे मठ मन्दिरहरुमा रहेको फोहोरलाई प्रहरीको अगुवाईमा स्थानीयहरू मिलेर सरसफाई गरेको थियो ।

हर प्रहर गाउँ र नगरी टोल टोलमा नेपाल प्रहरी भन्ने मूल नाराका साथ समुदाय प्रहरी साझेदारी शान्तिपूर्ण एव सुरक्षित समाजका लागि प्रहरीले यसरी सरसफाई गरी मठ मन्दिरहरुमा भएको फोहोर व्यवस्थापन गर्न खेलेको भुमिकालाई समाजले सकारात्मक रूपमा लिएको स्थानियको बुझाई रहेकाे देखिन्छ ।
संक्षिप्त कुराकानीमा स्थानिय बुद्दिजिबी विजय महतोले ” प्रहरीले यसरी मठ मन्दिरको सरसफाइमा देखाएको पहली कदमको स्वागत आम सबैले गर्नुपर्ने ” धारणा राख्नु भयो ।

कार्यक्रम फलदायी रहेकाे स्थानीहरुले वताएका छन् ।